ബെംഗളൂരു: അറ്റകുറ്റപ്പണികൾ നടക്കുന്നതിനാൽ ചിക്കമഗളൂരു നഗരത്തിലെ വിവിധ പ്രദേശങ്ങളിലും സമീപ ഗ്രാമങ്ങളിലും സെപ്റ്റംബർ 28 തിങ്കളാഴ്ച എട്ട് മണിക്കൂർ വൈദ്യുതി വിതരണം തടസ്സപ്പെടുമെന്ന് വൈദ്യുതി വകുപ്പ് അറിയിച്ചു. 66/11 കെ.വി ഹിരേമഗളൂരു വൈദ്യുതി വിതരണ കേന്ദ്രത്തിലെ ത്രൈമാസ അറ്റകുറ്റപ്പണികളുടെ ഭാഗമായാണ് ഈ നിയന്ത്രണം. രാവിലെ 9.30 മുതൽ വൈകുന്നേരം 5.30 വരെയായിരിക്കും വൈദ്യുതി മുടങ്ങുക.
വൈദ്യുതി തടസ്സം നേരിടുന്ന പ്രദേശങ്ങൾ
ഹിരേമഗളൂർ വൈദ്യുതി വിതരണ കേന്ദ്രത്തിന് കീഴിലുള്ള നഗര, ഗ്രാമീണ ഫീഡറുകളായ കുറുവാംഗി, ചിക്കനഹള്ളി, മഗഡി, ഇൻഡസ്ട്രിയൽ ഏരിയ, കെ.ആർ.പേട്ട്, വസ്തരെ, സി.ഡി.എ, ഹിരേമഗളൂർ തുടങ്ങിയ സ്ഥലങ്ങളിലും പരിസര പ്രദേശങ്ങളിലുമാണ് പ്രധാനമായും പവർകട്ട് ഉണ്ടാകുക. കൂടാതെ, 66 കെ.വി. ആർ.ഡി.എൽ ഇ.എച്ച്.ടി ലൈനിലും അറ്റകുറ്റപ്പണികൾ കാരണം വൈദ്യുതി വിതരണം നിർത്തിവെക്കും.
പൊതുജനങ്ങൾ മുൻകരുതൽ എടുക്കണം
വൈദ്യുതി തടസ്സം കാരണം വീടുകൾ, വ്യാപാര സ്ഥാപനങ്ങൾ, ഓഫീസുകൾ എന്നിവയുടെ ദൈനംദിന പ്രവർത്തനങ്ങളിൽ തടസ്സമുണ്ടാകാൻ സാധ്യതയുണ്ട്. അതിനാൽ മൊബൈൽ ഫോണുകൾ, ലാപ്‌ടോപ്പുകൾ എന്നിവ മുൻകൂട്ടി ചാർജ് ചെയ്തുവെക്കാനും മോട്ടോറുകൾ അടിച്ച് കുടിവെള്ള ലഭ്യത ഉറപ്പുവരുത്താനും അധികൃതർ നിർദേശിച്ചു. അറ്റകുറ്റപ്പണികൾ പൂർത്തിയാകുന്ന മുറയ്ക്ക് വൈദ്യുതി വിതരണം പുനസ്ഥാപിക്കുമെന്നും പൊതുജനങ്ങൾ സഹകരിക്കണമെന്നും കെ.വി.പി.എൻ.എൻ നോഡൽ സെന്റർ അസിസ്റ്റന്റ് എക്സിക്യൂട്ടീവ് എഞ്ചിനീയർ അഭ്യർത്ഥിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
